इलेक्ट्रॉनिक्स सर्किट तयार करून तपासण्यासाठी ब्रेडबोर्ड हे एक साधन वापरतात. यात दोन थर असतात वरच्या थरातील पट्टीवर आडव्या आणि उभ्या ओळीत 0.1’’ ग्रिडवर अनेक लहान सॉकेट्स किंवा छिद्रे असतात.तर खालच्या थरात तांब्याच्या पट्या लावलेल्या असतात.
वरच्या थरातील छिद्रे वर दोन आडव्या ओळी, खाली दोन आडव्या ओळी आणि मधल्या भागात उभ्या ओळीत खालच्या तांब्याच्या पट्ट्यांनी एकमेकास जोडलेली असतात.
रेझिस्टर, डायोड, ट्रान्झिस्टर इत्यादी बहुतेक काम्पोनंटचे लीड्स किंवा टर्मिनल्सच्या तारा या छिद्रात घालून खालच्या थरातील पट्टीवर तांब्याच्या पट्यांना त्या जोडता येतात.
त्यामुळे सोल्डरिंग न करता सर्किट तयार होते व कांपोनंट काढून दुसरे सर्कीट करता येते. यात कांपोनंट सुरक्षित राहतात.
